Gurit-Gurit

Pucuk Menara

Inggil tenan pucuke

Aku kepingin rana

Kepingin ning pucuk

Dudu pucuk gunung

Dudu pucuk ghodong

Dudu pucuk wit

Nanging, Pucuk Menara

Pucuk Impenku

Pucuk kekarepanku

Wayang

Ceritamu saben sak wayah-wayah

Mashur kanti padha kenal

Cilik, Gedhe, Enom, Tuwa

Ramayana lan Mahabarata

Kuwi Ceritamu,Carita kang leluhur

Sak wengi muput kanti pajar

Dalang, Sinden, lan Pengrawit Kuwi Kanca plek

Kanca saperjuwangan

Gurit-Gurit

Maturnuwun

Tak tampa wewehanmu

Kanti ati kang ikhlas

Dedongaku marang gusti kang kuasa

Mugi-mugi diwenehi keselametan donya akhirat

Sandhang elek mugiyo dadi sing apik

Aku mung bisa ngucap menika

Padhang Bulan

Srengenge kang kuasa wektu esuk

Lan madhangi donya wektu sakmana

Kalah karo wektu kang saya surup

Saya petheng

Suara adhan, wenehi tandha wektu sembahyang

Wit-witan, godhong-godhong padha layu

Jangkrik wes padha ngerik

Krik… krik… krik…

Nanging delengen, bunderan ing langit

Kang padhang sinare

Apa maneh kekancan karo lintang kang padha kelip-kelip

Kaya kakang, adhi kang padha dolanan akur

Gurit-Gurit

Pengin Kenal

Sumibrit angin

Wus… wus…

Ngeti sliramu serasa adhem ayem

Langkah samparanmu

Tak-tuk-tak-tuk

Serasa suara detikan jam,ingkang kaasta marang awakmu

Suara gamelan nambahi keendahan marang tekamu

Ning… nang... ning… glung… glung… glung…

Setitik lirikan sacamu, yakinake        

Nek awakku lan awakmu kapingin padha kenal

Ngantuk

Mripat loro kerasa abot panggawe ngeti

Pikiran kerasa abot

Awak kerasa lemes

Dhuh… adhuh… kena apa iki…

Angin sumibrit gawe enak rerasane awak

Mripat loro saya suwe pengin merem

Lelagon tembang Jawa nambahi kepenak ing pikiran

 Whus…. whus… whus….

Awak sesendenan ing singgasana lelungguhan

Ngeti jagat saya suwe arep ilang

Brak… ambruk awak iki

Gurit-Gurit

Layang Saka Tengah Dalan

Edan tenan!

Kok donyane kaya kebak wong edan

Dolan kanepson, mung kanggo nyamikan

Tansaya akeh nyawa nyawa ilang, krasa enak

Oalah!

Saya suwe obahe tangan-tangan

Entheng banget

Nggegem glathi kanggo nyuwek wektu

Tanpa rasa kelangan ati

Sanajan iku yekti

Ah!

Dina-dina krasa karoban jurit

Mrangguli kahanan kebak rasa jumawa

Menawa wis dadi manggala yuda

Setan!

Wis!

Aja di gagas sesawangan iki

Aja dicritakake anak putu

Menawa jaman wis lumingsir

Grimising sak ngisore garis udan

Wis wancine grimis mudhun saka langit sak ngisore garis udan

Ora prelu sumendhe ing pitakonan,apa wis wancine mangsa labuhan ?

Mangsa owah-owahan wis suwe ditinggal wara-wara lan pranyatan sah

Tumiyube angin wis cukup kanggo kirim pawarta

Langit kemul mega

Wis cukup kanggo tandha yen lagi ana apa-apa sing bakal tumiba

Nibani bantala

Gurit-Gurit

Peteng

Ireng buteng tanpa sinar

Tanpa geni

Tanpa lilin

Tanpa dilah

Rembulan ora padha katon sipate

Lintang padha lelungan ora katon kaya biyasane

Pratandha apa iki

Menungsa padha golek pepadang

Padha dedongan marang kang gawe urip

Padha ngurus awake dhewe-dhewe

Nyeseli perkara kang wus kalakonan

Golak-galok panjaluk ampunan

Katresnan Panggalih

Atosing penggalihmu

Saiki, aku pancen nora bisa

Aku nora bisa panjaluk

Lan panjaluk

Nanging sak atos-atosing penggalihmu

Mesti bakalan pecah

Lan sing mecahke menika aku

Lan aku panjaluk

saking dasaring penggalihmu

Aku katresnan marang sliramu

Gurit-Gurit

warisan

1, 2, 3, 4, 5

Iku aran angka...

Ha,Na,Ca,Ra,Ka

Kuwi aksara jawi

Kuwi warisan saking leluhur kita

Kudu di jaga,di sinauni

Jupukken, wariske marang anak putumu

Becik ya becik, ala ya ala

Panggawe sangu urip

Elingen wektu

Panas san saya panas

Srengenge san saya duwhur

Keringetmu san saya tumetes

Gegawe aja reribet

Elingen marang sing kuasa

Iki wis wektune sembahyang dhuhur

Lerennen sik panggaweanmu

Dedonga marang sing gawe urip

Gawe sangu tabungan wektu kapanggihan akhir

Gurit-Gurit

Lelagon Saiki

Cobi mirengke…rungokke…rasakke…

Suara apa to iki …

Sesilir angin sayup-sayup

Sirah kok padha mantuk-mantuk

Padha geleng-geleng

Suarane padha,banter unine

Jedag-jedug…jedag-jedug…

Apa talingan ora padha budeg!

Enak,kepenak kuwi sing dirasakke

Kekancan setan luwih enak iki

Udhut pundi udhute…

Pegha ireng kuwi dadi langit

Awak gentoyongan…

Ora apa-apa… sing penting enak.

Jagat Internet

Jaman saiki apa padha susah,

Apa padha ora enak,

Tulisen apa sing dak luru

Takokken marang mbah gugel

Kuwi guru kang ampuh saiki

Informasi,pawartos,pengetahuan kuwi isa dak sinauni

Nanging aja,yakin sing asmanipun mbah gugel

Kuwi durung mesti bener

Nek pancen bener yo kuwi bejamu

Geneo kok beja?

Nek panjaluk,kuwi sing bener panjaluk marang gusti kang maha kuas

Gurit-Gurit

Delengen, Rungokke, Rasakke

Dewekke wis ngadek

Cobi lumaku marang dalan kang dikira bener

Ora duwe rerasan getun

Kataris urep kang dipingini

Suryaning sadina-dina

Kekancan marang langit kang padhang

Kabusak dening rasa seneng, katutup rerasan keselipun

Ing dalem kesele saca,kanikmatan donya kang tumeka

Alon-alon deweke gadahi kapinginan, pitutur lan ucapan kang becik

Biyunge nanemke, aja gresula

Lakoni lan lakoni

Duh gusti

Gampangke uripe

Riasana dening kabecikmu

Resikke dening asta ingkang cepeng bandha

Padhangi dinane

Dening alusipun sang surya

Unjukanku

Setitik banyu bulah-bulah ing cangker

Banyu kang bening, bening kang rerasan

Dak rasakke kanti alon

Sitik-setitik pega bulah-bulah kayata mega ing wektu awan

Sebul sitik-setitik, kanti tutuk lan lidhah

Karaos eca, sinambi bayangke kabecikkan kang muruping salira

Pijer, kagungan pikarepan

Pikarepan ingkang bakal kawujud